00 / 00
|

Едноставен рецепт за популарната чизкејк торта

240 min.

Светски популарниот чизкејк, станува омилен и кај нас. Ние го обожаваме и често го подготвуваме, бидејќи се прави брзо и лесно. Иако подготовката на чизкејк бара одредена умешност, сепак ќе се снајдат и оние со помало искуство во кујната, со помош на нашиот едноставен и испробан рецепт за чизкејк торта. Следете ги нашите совети и во овие топли пролетни денови засладете се со вкусна чизкејк торта.

Чизкејк тортата претставува идеален десерт за било која пригода, а особено за некои специјални прилики кога сакате да ги изненадите своите драги со неодолив вкус кој освојува. Овој десерт покрај што има нежен и совршен вкус, исто така е и многу декоративен. Претставува и совршен поклон за вашите сакани личности. Доколку на некој ваш близок пријател му се ближи роденден, ова е одличен поклон со кој сигурно пријатно ќе го изненадите. Без печење и комплицирани состојки до супер вкусен десерт.

Доколку сакате да го почувствувате вистинскиот млечен вкус на чизкејк тортата и за подобра текстура на филот, ви препорачуваме да користите Битолска павлака од Бимилк. Неутралниот вкус и кремастата текстура совршено одговараат за подготовка на кремасти десерти.
Чизкејк тортата може да ја направите со чоколадни бисквити. Така ќе добиете супер вкус на чоколадо, кремаста ванила и ароматично овошје.

Потребни состојки

  • 125 г путер или маргарин
  • 100 г шеќер во прав
  • 300 г мелени бисквити
  • 120 мл сок од портокал (може да користите свежо цеден или готов по вкус).
  • ЗА ФИЛ:
  • 400 г крем сирење
  • 150 г шеќер во прав
  • 500 мл слатка павлака
  • 180 г Битолска павлака со 20% млечна маст
  • 1 ќесичка желатин
  • 50 мл вода.
  • ЗА ПРЕЛИВ
  • 300 г мешано овошје (јагоди, боровинки, вишни, аронија)
  • 400 мл вода
  • 100 г шеќер
  • 1 ќесичка желатин.

Подготовка

1.

Најпрво подгответе ја подлогата, односно кората за чизкејк. Во длабок сад изматете ги путерот и шеќерот во прав.
Откако добро ќе ги изматите, додајте ги мелените бисквити. На крај додајте го сокот од портокал и продолжете со мешање додека смесата се соедини.
Вака подготвената смеса префрлете ја во калап за чизкејк и рамномерно распоредете го притискајќи го со прсти или лажица така што ќе се формира кора.
Подготвената кора ставете ја во фрижидер за добро да се стегне, а во меѓувреме подгответе го филот.

2.

Најпрво желатинот прелијте го со 50 мл ладна вода и оставете го да набабри.
Во длабок сад за матење измешајте ги крем сирењето и шеќерот во прав. Мешајте со нежни движења на раката и не користете миксер, бидејќи сирењето ќе се растопи и нема да ја има посакуваната густина.
Слатката павлака изматете ја во посебен сад, па додајте ја во крем сирењето и повторно со нежно мешање соединете ги сите состојки.
На крај додајте ја и Битолската павлака и повторно се нежно промешајте.

3.

Набабрениот желатин загрејте го неколку секунди во микробранова печка или на шпорет. Растопениот желатин додајте го во преостанатиот фил и измешајте.
Врз бисквитната подлога нанесете го филот. Калапот ставете го во фрижидер за се добро да се стегни тортата, најмалку 3 часа.
Во мал сад ставете го желатинот и додајте 100 мл ладна вода. Измешајте го и оставете го да набабри.

4.

Во тенџере на оган ставете ги овошјето, шеќерот и преостанатата вода. Овошјето варете го 3 до 5 минути, а потоа тргнете го од оган и додајте го желатинот. Измешајте за да се растопи желатинот и оставете го преливот да се излади кратко околу 5 до 10 минути. Со помош на голема лажица преливот внимателно ставете го во калапот. Тортата вратете ја во фрижидер и оставете ја да се лади уште 3 до 4 часа. На здравје!

Датум на објавување 05.06.2020.

Nazad
|
01 / 02

Moja Kravica Junior 250ml

Lorem ipsum dolor sit amet, consectetur adipisicing elit. Ex saepe odio animi, dolores impedit architecto fuga quam ut, accusamus totam illo doloremque ipsum, deleniti veritatis numquam corporis commodi repellat quasi.

Moja Kravica Junior 250ml

Lorem ipsum dolor sit amet, consectetur adipisicing elit. Ex saepe odio animi, dolores impedit architecto fuga quam ut, accusamus totam illo doloremque ipsum, deleniti veritatis numquam corporis commodi repellat quasi.

Informacije o proizvodu
Proizvod i opis
Pakovanje/SKU
mlečna mast
Rok trajanja i uslovi čuvanja
Transportno pakovanje
Proteini
Ugljeni hidrati
Energetska vrednost
Balans+ jogurt
TTOSO 1kg
1g
25 dana
12 komada
3,2g
5,2g
192kJ/46kcal