Состојки
2 лажици Битолски путер
2 кромида, ситно исечкани
2 чешниња лук, ситно исечкани
1 лажичка толчен пипер (буковец или црвен пипер)
450ml пилешки бујон
600g грашок
Малку коријандер
Сол
Бибер
Битолска Павлака
Малку пармезан за декорација
Подготовка
Земете длабока тава и загрејте ја, па додајте путер, кромид, лук и пипер. Пропржете се заедно околу пет минути, додека не омекнат и не добијат златеста нијанса. Потоа, ставете го пилешкиот бујон и грашокот, а кога ќе зоврие оставете неколку минути на тивок оган да се вари, додека не омекне грашокот.
Додадете сол, бибер и коријандер по желба. На крај, изблендирајте (високите блендери се позгодни за ова, но и да немате таков, искористете каков имате) додека не добиете кремаста текстура. Ако е премногу густо, додадете малку топла вода.
Сервирајте во чинии, па декорирајте со Битолска павлака и малку пармезан. Покрај тоа, можете да додадете од омилените семки или нане, зачини итн…