Во сува тава ставете го сусамот и на средна температура пржете го со постојано мешање (за да не изгори) до посакуваната боја. Потоа префрлете го во друг сад, да олади.

Во друга сува тава ставете го шеќерот. Вклучете ја ринглата на средна температура и кога ќе почне да се растопува шеќерот, мешајте до карамелизирање. Штом целосно ќе се стопи шеќерот, додадете го путерот. Мешајте се додека да се стопи путерот, па потоа додадете го и сусамот. Промешајте се до хомогенизирање на состојките.

Потоа оваа смеса ставете ја врз едно парче мрсна хартија за печење. Израмнете со дрвената лажица, па покријте со друго парче мрсна хартија и повторно израмнете ја смесата, но овој пат со сукало.

Тргнете го горниот лист и со остар нож исечете парчиња со големина по желба.