Bimilk : Ќофте во сос со Битолско кисело млеко

00 / 00

Ќофте во сос со Битолско кисело млеко

35 min.

Потребни состојки

За ќофтето:
500g мешано мелено месо
1 јајце
1 помала главица кромид
2-3 лажици ситно сецкан магдонос
1/3 чаша ориз (чаша од 250ml)
Малку бибер и сол
2-3 лажици брашно
За буљонот:
1-2 моркова
1 помал корен и стебло целер
1/2 лажичка сол
За сосот:
60-80g путер
3-4 лажици брашно
4 жолчки
400g Битолско кисело млеко
сок од 1/2 лимон
рендана кора од 1/2 лимон
по желба бибер

Подготовка

Ќофте :
- Се сецка ситно кромидот.
- Се мешаат меленото месо, јајцето, кромидот и магданосот. Се зачинува со сол, бибер, чубрика и се меси меленото месо. Потребно е добро да се измеша. Се додава измиениот ориз и повторно се меша.
- Оформете округли форми во големина која вие ја сакате. Валкајте ги вака приготвени во брашното.

Буљон:
- Во подлабоко тенџере ставете вода и додадете го морковот, коренот и стеблото заедно со листовите целер и сол. Оставете нека зоврие.
- Во зовриената вода ставете ги ќофтињата и нека се варат се додека испливаат на површината. Со решетка лажица извадете ги.

Сос:
- Во подлабока тава или друго тенџере ставете да се стопи путерот или доколку користите масло - истото да се загрее. Ставете го брашното и мешајте постојано додека се запржи. Потоа додавјате од буљонот се додека не ја добиете саканата густина - односно треба да добиете ретка хомогена каша. Внимавајте да не ви се направат грутчиња, постојано мешајте.
- Во посебен сад изматете ги жолчките со киселото млеко, додајте ја лимоновата киселина. Со црпалка земајте од кашата и додајте во сосот од јајцата и Битолското кисело млеко.
- Тргнете го тенџерето со кашата, во него внимателно налејте го сосот од жолчките и Битолското киселото млеко, вратете на огнот тивко да проврие, па потоа тргнете го од оган.
По желба ставете бибер, рендана кора од лимон..
Добар апетит!

Датум на објавување 30.01.2023.