Измијте ги сливите и извадете ги семките.. Повеќето исечете ги на коцки, а неколку сливи на кришки.

Растопете го путерот на тивок оган и оставете да се излади додека го подготвувате остатокот. Белките изматете ги со миксер да се стегнат.

Жолчките се мешаат со сол, шеќер и ванилин шеќер, па се додава румот и путерот, се меша кратко. Се меша понатаму со лажица, се додава брашното со прашокот за пециво заедно со белките, се меша убаво додека добиете густа смеса.

На крајот измешајте ги парчињата слива - помали или поголеми по желба.

Наредете во корпички во калап за мафини, одозгора наредете ги сливите кои сте ги исечкале на ленти и притиснете ги малку.

Печете во загреана рерна на 180 ° C 30 минути - додека не поруменат.

По желба посипете ги со шеќер во прав.