Донација од Бимилк за Млечната кујна во Детската клиника во Скопје

Содржината

По повод Светскиот ден на детето, денес Бимилк донираше Битолско трајно млеко со 10 витамини за Млечната кујна во Детската клиника во Скопје. Со овој хуман гест Бимилк продолжи со донаторските акции кои освен што имаат за цел да го разубават секојдневието на болните дечиња, ја збогатуваат и исхраната со еден од основните производи за здрав и правилен раст и развој.

“Не може да се опише чувството кога ќе ја видите насмевката на детските лица. Тоа е нашиот поттик како општествено одговорна компанија постојано да се стремиме да го поддржуваме и разубавуваме секојдневието на оние на кои тоа им е најмногу потребно.  Консумирањето на млеко, особено витаминското млеко е многу важно за здравјето на децата и поради тоа се одлучивме токму на Светскиот ден на детето на Детската клиника во Скопје да и донираме Битолско трајно млеко кое ги содржи 10-те најзначајни витамини за правилен раст и развој. Им посакуваме на сите дечиња во болницата побрзо да оздрават и да ги задржат насмевките на своите лица.” – изјави Полексена Јанкуловска, маркетинг менаџер во Бимилк.

Покрај донацијата на млеко, Бимилк им го разубави денот на децата во болницата со Битолското чупе и аниматорите облечени во костими на витамини кои играа со дечињата најразлични детски игри и ги анимираа за време на посетата.

„Денес е прекрасен ден бидејќи децата во Детската клиника во Скопје имаат нов пријател кој се грижи за нивното здравје. Навистина сме благодарни на Бимилк бидејки цениме што оваа успешна македонска компанија мисли на здравјето на најмладите.“, изјави д-р Аспазија Софијанова, директор на Клиниката за детски болести во Скопје.

Бимилк како општествено одговорна компанија традиционално прави донации на своите производи на оние на кои тие им се најпотребни.

Споделете го овој текст:

Остави коментар

Вашата адреса за е-пошта нема да биде објавена. Задолжителните полиња се означени со *

Scroll to Top

Веб страната користи колачиња за да овозможи најдобро искуство. Со користење на bimilk.mk се согласувате со нашата политика за приватност и користењето на колачиња во согласност со нашата политика за колачиња.